في موقف يضرب أروع الأمثلة للولاء والانتماء، كشفت بطلة العالم في الإسكواش، نور الشربيني، عن تلقيها عروضاً مغرية للتجنيس من دول أخرى.
لكن ردها كان حاسماً وواضحاً: رفضت كل العروض وتمسكت بتمثيل مصر في جميع المحافل الدولية!*
الشربيني أكدت إن الفترة اللي فاضلة قبل أولمبياد لوس أنجلوس 2028 (حوالي 3 سنين) مش كافية لأي محاولات لخطف المواهب المصرية، خصوصاً مع عدم وضوح قواعد التجنيس نفسها.
وقالت: “في دول كتير طبعًا بتدور على المواهب، وكل العيون على مصر لأننا عندنا أكبر عدد من اللاعبين المتميزين.
أنا شخصيًا جالي عروض، بس مستحيل ألعب لغير مصر!
وتحدثت نور الشربيني عن سر قوة اللاعب المصري وشعورها كجزء من هذا الجيل الذهبي: “العب باسم مصر ده أحسن حاجة لأي لاعب.
إحنا لعبة فردية، بس روح الفريق دي مش بنحسها غير مع المنتخب. بنلعب ضد بعض طول الوقت، بس لما بنلبس تيشيرت المنتخب، هدفنا واحد وهو الفوز بالبطولات. إحساس مختلف!”
واختتمت البطلة المصرية حديثها بتجربتها الشخصية: “كنت دايماً أصغر لاعبة في المنتخب، ودلوقتي بقيت الأكبر.
ده شعور مختلف، اتعلمت كتير من رنيم الوليلي وأمنية عبد القوي إزاي أتعامل مع الموقف ده.
إحساس روح الفريق هو الأفضل على الإطلاق.” تحية للبطلة اللي بتعلي اسم مصر في كل مكان!
قدمنا لكم زوارنا أهم وأحدث الأخبار الرياضية فى هذا المقال : نور الشربيني: رفضت التجنيس وهذا سر الفراعنة في الإسكواش, اليوم الأحد 22 يونيو 2025 11:35 مساءً
0 تعليق