تحدثت البلوجر والمذيعة أسما شريف منير عن تفاصيل زواجها الأخير، وذلك من خلال بث مباشر عبر حسابها الشخصي على موقع تبادل الصور والفيديوهات إنستجرام.

أسما شريف منير: أول مرة أحس أني عروسة

وقالت أسما شريف منير في البث المباشر الذي يرصده موقع تحيا مصر: دي تالت جوازة ليا بس أول مرة أحس أني عروسة.. دايما الناس بتدخل تشتم وتتريق لكن المرادي الحمدلله لقيت ردود الأفعال مش طبيعية ومش مستوعبة ان دا بيحصل.. رد الفعل اكدلي ان ربنا واقف في ضهري وربنا دايما لما بيحب حد بيحبب فيه خلقه.

وتابعت: الصح ان الست تتجوز والمطلقة تتجوز عشان الست بيكون ليها احتياجات وطلبات ولازم يكون فيه راجل بيلبيلها الاحتياجات دي وبيشاركها الدنيا، والمجتمع اللي أنا عايشة فيه في إغواءات كتيرة وفي حاجات كتير ممكن تخليني أعمل حاجات غلط وبعدت عن الناس اللي ممكن يشدوني لأماكن سهر وشرب وفي الفترة دي مكنتش متزنة نفسيا وبنام كل يوم معيطة وراجعت نفسي وقولت لا أنا مش عايزة كدا.

أسما شريف منير تكشف سر شعرها الطويل

واضافت: جوزي مش متذمت ولا بيقولي اتحجبي واحنا الاتنين نيتنا أننا نمشي في طريق ربنا وهو حد طيب وعايز يبني حياة كويسة وهو دا اللي شدني ليه.. ومبصتش هو معاه كام وهيسكني فين.

وبعد حلاقته على الزيرو، كشفت أسما شريف منير سر شعرها الطويل، وقالت في البث المباشر: دا اكستنشن وعملته طويل عشان أبان رفيعة لأني الفترة دي مليانة بسبب دوا باخده.

أول تعليق من أحمد شامل زوج أسما شريف منير على زواجه 

وسبق وأن خرج أحمد شامل عزمي، زوج الفنانة أسما شريف منير وتحدث عن زواجه منها مشيرا إلى أنه تشرف من تلك الزيجة ووعد والدها أن يعمل بوصيته ويكون جدير بالثقة الذي أعطاها له شريف منير.

ونشر أحمد شامل مجموعة صور جديدة له من عقد قرانه على أسما شريف منير وعلق عليها، قائلا في منشور رصده موقع تحيا مصر : ‎أنا متشرف جداً ان اسما مراتي، وأهلها الطيبين المحترمين، اللي عندهم احساس بالبشر، علموني حاجات كتير. بشكر والد أسما على الثقة اللي ادهلي، وعايز أطمنه إن أسما في عيني، وبوعده إني هبذل أقصى ما عندي عشان أسعدها.