وقال أحمد الفيشاوي، في تصريحات تليفزيونية: الفنان مخلوق عشان يسلي الناس، مينفعش نقول الفنان قدوة لأن مش كل الفنانين قدوة، وأنا مش قدوة، بس يا رب أكون قدوة حسنة. 

وتطرق الفيشاوي، إلى موضوع الوشوم التي يرسمها على جسده، موضحا أن هذه الممارسة أصبحت شائعة بين الفنانين في مصر، معقبًا: 95% من ممثلين مصر عاملين تاتو دلوقتي، والناس بدأت تتحرر من الحجاب والنقاب، وبدأوا يعبروا عن نفسهم وعن الفن اللي عايزين يعملوه من غير ما حد يقول حرام. 

وفي حديثه عن الأعمال الفنية، عبر الفيشاوي عن تفضيله للسينما على الدراما التليفزيونية، مستشهدا بآراء عدد من كبار المخرجين والكتاب، مثل يوسف شاهين ووحيد حامد، ووالده الفنان الراحل فاروق الفيشاوي، مستكملًا: أستاذ يوسف شاهين قالي إن المسلسل زيه زي الجورنال، تقرأه وتمسح بيه الزجاج أو تحط فيه طعمية، لكن الفيلم زيه زي الكتاب، بتحطه في مكتبتك وتقدسه. 

وواصل: وحيد حامد قالي التلفزيون ده رغي، وأبوي قالي التليفزيون لا ذاكرة له، وأنا اقتنعت إن الفيلم بيعيش، وبياخدك للمهرجانات وبيوصلك للعالم. 

يمكنك مشاركة الخبر علي صفحات التواصل